.. أساسيـــاتـــ التـحريــكـــ فيــــ الفوتــوشوبـــــ ..

راح نتناول بهذا الدرس اساسيات الحركة والتحريك في برنامج الفوتوشوب حتى كل شي مو واضح بهالخصوص يكون يتوضح

وإن شاء الله اتوفق بالشرح

للعلـــم : بإصدارات الفوتوشوب من الثامن والأقل منه نسوي الحركة ببرنامج الإيميج ريدي الملحق ببرنامج الفوتوشوب وحتى ننتقل للإيميج ريدي نضغط هذا الزر الموجود بأسفل صندوق الأدوات
وبالإصدار التاسع والعاشر نكَدر نسويهه بالفوتوشوب نفسه

نبدا بسم الله

أول شي حتى نظهر لوح التحريك اذا مظاهر عدنا .. نروح على قائمة وندوز ونخلي صح يم انميشن ..

نجي لشرح ازرار لوح التحريك (راح نتذكر هوايه كلمة فريم معناتهه لقطة او خطوة واحدة بالحركة)

هذا الزر عندما نضغطه يرجعنا لأول فريم وميكون متفعل لمن نكون مختارين الفريم الاول

لمن نضغط هذا الزر يرجعنا للفريم القبل الفريم المختاريه حالياً

زر تشغيل الحركة

لمن نضغط هذا الزر يودينا للفريم اللي بعد الفريم المختاريه حالياً

عمل حركة متدرجة او التويين (راح نجي لكيفية عمل حركة متدرجة ان شاء الله)

زر عمل فريم جديد

زر مسح الفريم الحالي

من هنا نحدد استمرارية الحركة يا اما :
Once لمرة وحدة تمشي الحركة وتوكَف

او Forever تظل تستمر الحركة بدون توقف (وهاي هيه المعتمدة)

منا نحدد الوقت اللي يطوله الفريم الواحد

................................

هسه نجي لعدة تطبيقات مهمة واساسية بالتحريك

آني حستخدم هاي الصورة بالتطبيقات هذي

اول شي عمل حركة فلاشية يعني مثلاً نخلي نص يظهر ويختفي وهي ابسسسسسط حركة ممكن نسويهه

نكتب اول شي النص اللي نريده

نروح على لوح التحريك نشوف انو كأساس حيكون بي فريم واحد .. نسوي فريم لاخ من زر انشاء فريم جديد

ونتاكد انو مختارين الفريم الثاني ونروح نشيل العين عن لير النص

شوفو هنا الفريمات شلون حيبين النص وين بيهه

هسه بالضغط على شفت او كونترول وبنفس الوقت نختار الفريمين ونروح مثل ما موضح بالصورة نغير وقت الفريمات

وطبعاً الاوقات الموضحه بالصورة الفوكَ بكيفنا نختار حسب اللي نشوفه مناسب واذا نريد نخلي وقت مموجود بالخيارات الجاهزه هاي نختار Other ونحط الوقت اللي يعجبنا

طبعاً الوقت مثل 0.2 معناتهه جزئين من الثانيه .. ومثال ثاني 2.0 معناتهه ثانيتين وهكذا .......

هسه حتى نسيف الصورة المتحركة نروح على قائمة فايل وبعدين سيف فور ويب

وهاي النتيجة

.. أساسيـــاتـــ التـحريــكـــ فيــــ الفوتــوشوبـــــ .. Bbb

.. أساسيـــاتـــ التـحريــكـــ فيــــ الفوتــوشوبـــــ .. Bbb

.........................

هسه نجي للحركة اللاخ اللي هيه فريمات متلاحقة كل فريم نظهر بي لير مثلاً نسوي لير بي نقطه بالصوره فوك ولير ثانيه نسوي بيهه نقطه جوا النقطه الفوك ولير ثالثه نسوي بيهه نقطة جوا الثانيه وهكذا ....... هسه بالفريم الاول بلوح التحريك نخلي العين بس يم اول لير ونسوي فريم ثاني بلوح التحريك ونشيل العين عن اللير الاولى ونخليهه يم الثانيه ونسوي فريم ثالث بلوح التحريك ونشيل العين عن اللير الثانيه ونخليهه يم الثالثه ونغير توقيت الفريمات مثل متعلمنا فوكَ مثل منشوف انو مناسب

ونسيف الصورة المتحركة مثل ما تعلمنا فوكَ
وهذا نموذج ...

.. أساسيـــاتـــ التـحريــكـــ فيــــ الفوتــوشوبـــــ .. 5

.. أساسيـــاتـــ التـحريــكـــ فيــــ الفوتــوشوبـــــ .. 5

...............................

هسه نجي للحركة المتدرجة نسوي لير بيهه اي شي (نص، فرشه، شيب ....الخ) ونختار الفريم الأول ونشيل العين عن هاي اللير بعدين نسوي فريم ثاني ونتأكد انو مختاري ونروح نخلي العين يم هذي اللير
هسه نختار الفريم الأول وندوس زر انشاء حركة متدرجة اللي وضحنا فوكَ راح تظهرلنا هاي النافذة

الأجزاء الحولهه اطار احمر هاي الأفضل منلعب بيهه

بالصورة الفوكَ هاي واضح المكان اللي نكتب بي عدد الفريمات اللي نريدهه تحتوي على التدرج وكلما جان عددهه اكبر كل ما جانت الحركة انعم بس لازم ننتبه انو منسوي عددهه اكبر من اللزوم لأن ثكيله عالجهاز وحجمهه يصير جبير

منا نحدد ويا اي فريم نسوي التدرج وعادة يكون Next Frame وعادة اذا نحتاج نختار First Frame لازم نكون مختارين آخر فريم وبعدين نسوي الحركة المتدرجة او تويين هسه نرجع بعد ما شرحنا مكونات نافذة الحركة المتدرجة

نسيف الصورة المتحركة مثل ما تعلمنا فوكَ
وهاي نتيجة اللي سويناه

.. أساسيـــاتـــ التـحريــكـــ فيــــ الفوتــوشوبـــــ .. B2

.. أساسيـــاتـــ التـحريــكـــ فيــــ الفوتــوشوبـــــ .. B2

ملاحظة مهمة: إذا سويتو الحركة بالإيميج ريدي، حتى تسيفون لازم تروحون على File > save optimized as

...................

إن شاء الله كل شي صار واضح عدكم هسه بالنسبة للحركة بالفوتوشوب

وأي توضيح اضافي تريدوه اتفضلوا ......

شكرا وردة

مشكور وردة ولا تحرمنا من ابداعتك